Zangak (Morus bassanus) Paseo Berritik
Gipuzkoako itsasoan eta kostan bizi diren hegaztiei buruzko bloga duzu hau. Haien inguruko gorabeherak aurkituko dituzu hemen:
zer dabilen, zerk alde egin duen, arazorik duten... Haien ezagutzako eta kontserbazioko kontuak aurkituko dituzu. Ongi etorri!
2016(e)ko martxoaren 31(a), osteguna
Zangak Paseo Berrian
Donostiako Paseo Berria toki aproposa da kostaldera hurbiltzen diren itsas hegaztiak behatzeko. Hauen artean zangak (Morus bassanus)
ditugu, munduko hegazti ederrenetakoak nire ustez. Gehienetan urrutitik
ikustearekin konformatu behar izaten dugun arren, noizbehinka paseoko
harresitik metro gutxira gerturatzen dira. Aukera ezinhobeak izaten dira
beren edertasun paregabeaz gozatzeko.
Gaur arratsaldean etengabe pasatzen ari ziren zangak mendebaldera.
Gutxi batzuk paseotik oso hurbil pasa dira. Arrantza omen zegoen,
txenada hankabeltz ugari ere bazebiltzalako. Ipar-haizea dela, arrantza
dela, lehorrean geundenok aukera izan dugu itsas hegazti hauen
edertasunaz gozatzeko.
Harpidetu honetara:
Mezuak (Atom)